等我呀

成日都唔知係個blog到寫咩好
諗諗下不如post下平時煮啲咩食
等下整理下遲啲就會出post架啦
等我呀！

我無失蹤

好似好耐無係blog出現咁
大家可以放心...我無失蹤
只係最近報左教會一個"生命塑造"嘅course要禁電子產品
同埋weekend要食得清淡啲
覺得呢個course好好...每日都用一段長時間為自己同身邊嘅人事物祈禱
將所有嘅野都交返俾神
上呢個course會覺得自己同神嘅關係又再親密左
最重要嘅係學識為自己所擁有嘅一切感恩
我地生活係呢個世代真係太幸福
好多時會將呢啲野睇成係理所當然
又或者過份倚賴電子產品去生活

呢個星期禁電子產品一開始都好唔習慣
但係之後又發現其實自己平時真係會浪費左好多時間
同埋電子產品某程度上會阻礙左人與人之間嘅真正溝通

星期六全日同一班弟兄姊妹淨係食麵包祈禱
發現原來食麵包都可以好滿足好感恩
到今日有碗熱辣辣嘅白飯係面前果陣真係由心而發咁高呼"感謝主"
平時食飯之前都會謝飯...但係有時都會變左做一個習慣咁
忘記左背後真正嘅意義

呢個course對我黎講真係有好大嘅得著同成長
希望我唔係係淨係上course先記得呢啲恩典
往後嘅日子都要時常懷住感恩啲心生活
每一日都要享受係主愛當中嘅喜樂

Great Ocean Road & 12門徒石

Great Ocean Road同12門徒石都係melbourne好出名嘅旅遊景點想去好耐架啦...黎左兩年幾終於有機會去啦
不過都真係幾遠架...要4個幾鐘車程

沿途風景都好靚

去12門徒石途中會經過個燈塔

穿過呢條隧道仔去度另一邊就到啦

真係好靚呀...不過我都唔知12門徒點數出黎

但係果度真係超級大風...你地睇下我個頭就知咩事

之後就回程出city食飯...又要4個鐘車程
出到去都成9：00啦
今晚想食韓國野...去左joomak
點左辣雞腎

Kimchi and pork pancake

Pan fried pork

全部都好好味
之後仲去左新開嘅九份甜品試下
點左一個奶油仙草兩份食

不過我覺得麻麻地...唔會再幫襯

Air force museum & rose garden

今日係每個月一次嘅小組outreach
今次有好多人去...要出5格車
我地組本身得2格車
所以問左其他組借司機

第一站先去air force museum
都幾多野睇
不過展館入面唔俾影相

之後就去rose garden
好靚呀...原來玫瑰有咁多唔同顏色

今次去嘅兩個地方都係werribee
唔算好遠...係city出發都係揸一個鐘車

天府

好耐都無去過天府食野啦
我好鐘意食辣野架
天府係melbourne好出名嘅川菜館
好好味...份量算多...而且價錢都幾合理

今日點左每次去到必食嘅沸騰魚
用個金屬盆上枱...千其唔好掂到個盆...超級熱
上枱時成盆都滿曬辣椒

不過好快就有服務員黎將啲辣椒"不"走

呢個真係好好食...啲魚好滑

仲叫左辣子雞
好脆好香蒜味...唔錯

之後叫多左個蒜泥白肉
啲肉切得好薄...個汁又好好味