Homesglen韓國野

一向都幾鐘意食韓國野
今次去左homesglen食
果度有幾間揀
全部都又平又好味
不過我食過咁多次
最鐘意都係呢間

今次點左芝士年糕

餃子湯

牛仔骨

全部都好好食呀 :)

好方便呀

睇到blog友介紹可以用手機app打blog
真係好方便呀
我以後一定會打多架啦

8月挑戰人體極限outreach

8月份小組outreach決定左去行山 

其實應該話係爬山先岩 

因為基本上係無路行 

全程都係手腳並用咁爬上去

大家一路睇下下面d相就應該feel到有幾艱辛架啦

由於我地今次ge outreach太體力勞動

所以我地都無邀請其他組ge人幫手做司機

咁我地組一向都係得兩格車 

所以今次活動名額得10個，哈哈

來回total渣左6個幾鐘車

不過如我地所料
今次呢個活動唔係得好多人夠膽挑戰

最終有8個人參與，4男4女   
出發前影返張大合照先

 
好啦，大家準備好未呢

俾大家睇下有幾挑戰極限啦 
要過d好窄ge山lung 

要踩膊頭爬上去

呢d就係我地keep住要爬ge石頭啦

不過呢個活動真係好體驗到團隊精神 

大家互相扶持互相幫助 

當中有想放棄有覺得辛苦

但係大家靠住禱告從新得力
又一路行一路唱詩歌
“路是難走，但比起祢的十架路，我今天算什麼”
“別害怕，祂知你難受，擔當軟弱與困憂”

亦都有組員唔小心整親

總括黎講，呢個係一個好難忘亦都有血有淚ge經歷 
好開心有同一班弟兄姊妹共患難ge時間 
好感恩天父俾我有呢一班同行者

更加感恩天父讓我地整個過程無論身體上定係心靈上都一直有平安 
亦都藉住呢個outreach讓我地懂得依靠祢更多

一個新開始

之前一直都係用yahoo blog
點知無啦啦話要close
聽左唔小blog友ge意見之前決定搬黎呢度
希望大家都會繼續支持我啦

雖然我唔係打左好耐blog
但係我之前係yahoo blog打ge野的確係我ge回憶
真係唔捨得就咁無左
所以我已經將佢地copy曬黎呢個blog度架啦

之後ge所有post都會係呢個blog度打
Yahoo blog bye bye啦
我會慢慢適應呢個blog架啦
雖然唔係好識用
不過我會努力架

滑雪團小插曲2

繼bb嘔無人理好可憐之後
滑雪團回程嘅時候有一樣更加陰公嘅事發生
話説bb由上車果一刻已經開始喊
喊左幾個字之後婆婆就俾左樽水佢飲
佢極速飲曬成樽水...保守估計有8安
飲完之後就繼續爆喊
喊左成粒鐘之後就輪到姨媽俾餅乾bb食
佢好乖咁創左幾塊之後又喊
喊到停第一次中途站bb媽媽就幫佢換片
但係換完都繼續喊
喊左唔知幾耐就停第二個中途站
佢地成家就去左買m記食
之後仲俾左一舊麥樂雞bb食
我地見到已經o曬咀
咁細個就俾呢d野佢食
不過bb其實食唔到，只係放入口算下d味
之後就繼續爆喊
係呢個時候正常嘅人都估到bb係因為好肚餓所以喊
同埋我地見坐左咁耐車bb都仲未食奶有d奇怪
我地以為佢地驚bb嘔所以唔敢俾佢食
點知係呢個時候爸爸出聲＂看來她肚子真的好餓（普通話）＂
我地真係差d笑左出黎，心諗真係唔該曬喎
點知有個更加正嘅回應，bb媽媽答＂我知道，但是沒辦法，奶粉用光了（普通話）＂
原來就係咁...bb就要爆喊捱肚餓

個main point係bb係上車已經開始喊，即係果陣已經肚餓
我地見到嘅只係車程果6個鐘
佢地幾時開始無奶粉，bb對上一餐係幾時食我地唔知亦都唔敢想像
但係我真係唔明點解同bb出去玩可以帶唔夠奶粉
唔明無曬奶粉點解唔係雪山supermarket買
更加唔明點解停中途站唔係油站買baby food俾佢食而選擇一舊佢食唔到嘅麥樂雞
我只可以話bb真係好可憐...唉！

滑雪團小插曲1

我地個滑雪團都幾長車程
要成5個鐘
我地個團有10個大人同1個小朋友
包括我地4個，一對香港couple同埋5人中國家庭
小插曲嘅主角就係果個大家庭
我唔係好exactly知個小朋友幾大
但係就岩岩識行...淨係識叫baba mama呢兩個音

咁5個鐘頭車咁長
小朋友一定要食奶啦
坐左大約兩個鐘，小朋友應該開始肚餓就衰喊
全車人都俾佢嘈醒
不過唔緊要，小朋友喊無人會怪佢
之後喊左大約半個鐘終於餵佢食奶
咁我地就嘗試繼續訓

點知佢飲完奶繼續衰喊
喊左一陣之後仲濁親係咁咳
我地心諗岩岩食完奶喊得咁勁好易嘔架喎
咁我地就問個司機拎嘔吐袋諗住俾個媽媽拎住先
點知個呀媽好大聲同我地講佢個女已經吞曬d奶唔會嘔
話口未完，個小朋友一野噴曬d嘔吐物落呀媽個身度
我地即時拎紙巾俾佢，不過都無咩用
小朋友同呀媽成身都係嘔吐物
最勁嘅係佢地同行嘅3個人(小朋友嘅爸爸，婆婆，姨媽)係無反應架
連紙巾都無貢獻過呀

之後我地個半程車就一路係嘔吐物味度過
一到我地真係9秒9衝落車
其實如果個媽媽肯拎住個嘔吐袋，佢同個小朋友都唔洗咁呢hea
同埋我真係唔明佢地同行嘅人點解可以完全唔幫手
我打呢篇blog絕對唔係想責怪佢地
我唔覺得佢地有錯，因為小朋友嘔大家都唔想
只係純粹想同大家分享一下

滑雪day2

我地7:45就開始起身梳洗
之後執好行李
大約8:30就開始食早餐
自備左一條麵包，果jam，牛油
仲有朱古力粉沖劑

食完早餐就出發去租雪兜玩
不過掛住玩無咩點影相
所以無相放上黎...hehe
真係好好玩
但係每次sir完落去都要拖住個雪兜行返上黎
都咪話唔攰

玩到咁上下我地就去左dum雪球
之後就砌雪
估下我地砌緊咩
製作過程：

開估啦...我地砌左mickey mouse
係咪好靚呢

之後我地臨走前仲醜化左隻mickey
將佢變左做山寨版...哈哈

之後我地去餐廳食左d野
4點幾就開始回程啦
呢2日1夜嘅滑雪之旅真係玩得好開心呀
希望第時有機會再去啦

滑雪day1

好開心呀，期待左好耐嘅滑雪團係今個weekend出發啦
我地跟holiday experience嘅falls creek2日1夜團
雖然俾mt buller遠好多
要坐耐好多車
早好多出發
不過去到嘅時候就覺得一切都值得
今次滑雪團照舊係成日一齊去玩嘅組合
我，Ricko，Marco，Gerry

4：15am已經要係boxhill集合
之後上車大家就一直訓
不過係車程途中有d小插曲發生左
（將會係另一篇blog分享）
差唔多10點就到目的地啦
一落車真係覺得好開心
同埋周圍環境真係好靚

又唔算好多人
唔會好逼
同埋d雪真係好靚

去我地住果間屋放低行李就即刻落去租野
我地4個都係玩ski
租完就去join ski course 一齊學下點滑雪

老師好有心機教
個course大約個半鐘
大家上完個course都算係識滑
雖然唔係好叻
不過都ok架

玩到5點幾就還返d equipments
之後就返房沖涼
我地自己帶左個電飯煲上去
仲帶左d野食係雪山打邊爐
仲有每人一罐可樂，真係好開心好滿足

食飽飽就一齊玩下啤牌，層層疊
再一齊傾下計
11點幾就訓lu...抖足精神迎接day2嘅活動

大整估

今日落雨濕濕又勁凍
爭扎左好耐先係個被窩度鼠出黎
返10點學...不過要去library print assignment
所以9點就出左門口
之後去到班房鎖左門
咁就同其他同學係門口等
點知等到搭4呀sir都未黎
平時呀sir好準時架
等到搭半我地就開始check下student portal同email
睇下呀sir有無講低d咩
點知都係無
等到搭9我地就去交左assignment落mail box先
再問下reception呀sir係邊
D staff話無見過呀sir
於是我地返落課室睇多次就走
真係勁無奈

好忙

今個sem真係忙到飛起呀
都唔知點解可以有咁多assignment架
每科最少都有3份
仲未計每個星期都有嘅readings...summary...homework
最誇張果科total有5份assignment加一個presentation
真係做到人都癲啦
仲要鬼死咁難
完全唔知要做d咩架
救命呀！

簡單的感動

早幾日病病地唔舒服訓左個晏就覺
一起身見到書枱個筆筒插住左枝玫瑰花
果刻真係好感動
雖然唔係d咩貴重野
不過真係無諗過佢會親手摺野俾我
我覺得真係好靚呀
佢話摺左好耐

7月outreach

7月份嘅outreach係全區打波日
係去打波之前我地組約左係附近一齊食個brunch

食完brunch就去打波
由於玩得太開心所以無影過相...哈哈
男仔多數都係踢波
而我地就玩下數字球同閃避球

完左之後就黎左我屋企玩左一陣board games
之後就一齊打邊爐

What's camp

話說7月頭教會搞左個叫what's camp嘅生活營
我地組大部份人都有join
好開心今次仲邀請到2個新朋友參加

出發前影返兩張組相先
入到camp我地就會打散去唔同組



呢個就係我係camp入面嘅小組



雖然大家同一間教會但係平時係唔同小組所以唔算好熟
不過經過左呢3日2夜之後大家已經好fd啦
係呢個camp真係玩得好開心呀

雜不甩-1

唔知大家仲記唔記得好耐之前話過想同大家分享我煮嘅野食
事隔咁耐我終於行動啦

其實我煮野食一d都唔叻
所以暫時都只係會post製成品
至於食譜同製作過程就等我功力深厚d先啦

以前係香港我基本上係無試過下廚架
係自己一個過到黎讀書唯有硬住頭皮煮下啦
所以其實我都係煮左兩年幾野食架炸
無理由餐餐出街食架嘛
一來真係無咁多錢...二來成日出街食唔健康
出左黎讀書就真正體會到返屋企有飯食有湯飲係幾幸福

好啦...事不宜遲睇下我煮嘅野啦（唔準笑我架）

某日嘅早餐...豆漿粢飯
不過d糯米落得多水左d...有d濕


某日嘅宵夜...窩夫
個面加d糖霜幾好味

Lunch...炒公仔麵

dinner...白汁磨菇粟米煙肉蝴蝶粉

下午茶...葱油餅
話說有一日去街市買餸個哥哥送左好多葱俾我
多到我唔知點處置佢地
Housemate突然提議整葱油餅
咁就順利解決曬

Dinner...豆腐蒸蛋
呢個送飯一流...like爆

Dinner...上湯粉絲白菜豆腐泡

Dinner...薯仔炆雞奕

豉油排骨...茄汁蝦碌...清炒菜芯